Njerëzit besojnë në një keqkuptim të zakonshëm që arteriet e bllokuara janë një problem vetëm i njerëzve të moshuar, por në shumë raste deri në kohën që i arrijmë të 20-tat, bllokimet tashmë ekzistojnë brenda arterieve tona.

Kjo është arsyeja pse shumë njerëz të prekur nga kjo sëmundje nuk e kuptojnë se çfarë po ndodh derisa të jetë tepër vonë. Është shumë e rëndësishme të njihni shenjat dhe të jeni të kujdesshëm që të mund të vizitoni mjekun në kohë.

Hidhuni një sy faktorëve të rrezikut dhe ndryshoni zakonet tuaja të përditshme për hir të shëndetit tuaj.

1. Dhimbje në pulpa, kofshë ose ije
Dhimbja e këmbëve gjatë aktiviteteve si ecja mund të jetë një shenjë e arterieve të bllokuara. Kjo do të thotë që gjymtyrët tuaja nuk po marrin rrjedhje të mjaftueshme të gjakut.

Simptomat mund të përfshijnë dhimbje të muskujve ose ngërçe në këmbë (ose krahë). Vendndodhja e dhimbjes varet nga vendi ku ndodhet mpiksja ose arteria e ngushtuar.

2. Dhimbje kraharori

Dhimbja në krahëror është rezultat i zvogëlimit të rrjedhjes së gjakut në zemër. Mund të ndihet si ngushtësi, mpirje, lodhje, presion ose djegie.

Njerëzit zakonisht nuk e përjetojnë këtë simptomë kur pushojnë sepse shkaktohet nga sforcimet fizike ose emocionale. Në disa raste, bllokimi mund të jetë aq i keq saqë dhimbja në krahëror mund të sinjalizojë se një person është duke patur një sulm në zemër.

3. Humbja e përkohshme e shikimit nga njëra anë

Arteriet karotide furnizojnë sytë dhe trurin tonë. Nëse këto arterie bllokohen, rezultati është humbja e përkohshme e shikimit ose shikimi i paqartë në sy në të njëjtën anë.

Një bllokim i plotë çon në një goditje në tru. Prandaj është shumë e rëndësishme të jeni të vetëdijshëm për këtë shenjë.

4. Dhimbje në pjesën e poshtme të shpinës

Dhimbja në pjesën e poshtme të shpinës është një shenjë serioze që nuk duhet ta injoroni. Kur të zvogëlohet gjaku në pjesën e pasme të shpinës, disqet midis rruazave bëhen të brishta dhe kjo çon në nerva të pickuara dhe të dhimbshme.

Zakonisht është simptoma e parë në mesin e njerëzve me arteriet e bllokuara: sipas një studimi, 10% e njerëzve në vendet e zhvilluara tashmë kanë bllokime të avancuara në aortën e tyre abdominale deri në kohën kur ata të mbushin 20 vjeç.

5. Bllokim i frymëmarrjes

Kjo simptomë zhvillohet kur arteriet koronare dëmtohen ose sëmuren. Njerëzit e përjetojnë atë, sepse zemra e tyre nuk është në gjendje të pompojë gjak të mjaftueshëm për të përmbushur nevojat e trupit të tyre.
Ky hulumtim sugjeron që njerëzit shpesh nuk e konsiderojnë bllokimin e frymëmarrjes si një problem serioz, por ndonjëherë mund të jetë shenja e vetme serioze e pranisë së sëmundjes së arteries koronare që mund të ketë nevojë për trajtim.

6. Këmbë ose duar të ftohta

Këmbët e ftohta mund të shkaktohen nga Sëmundja Arteriale Periferike (PAD). Ky problem ndodh kur arteriet e ngushta pakësojnë rrjedhjen e gjakut në gjymtyrë.

Shërimi i ngadaltë i plagëve ose pulsimi i dobët në këmbë janë gjithashtu shenja që duhet të kontrollohen me një mjek.
Për më tepër, prania e PAD-s mund të tregojë se ekziston një sëmundje arteriale më e përhapur në trup që mund të ndikojë në tru ose në zemër duke shkaktuar goditje ose sulme në zemër.

7. Lodhje dhe marramendje

Sipas Harvard Health Publishing, lodhja është tregues më pak i zakonshëm i sëmundjes së arteries koronare, por mund të ndodhë.

Këto simptoma mund të zhvillohen si rezultat i niveleve të reduktuara të oksigjenit nga rrjedhja e dobët e gjakut. Ekspertët e shëndetësisë pohojnë se këto simptoma janë më të zakonshme tek gratë.